Italiýanyň milli futbol çempionatynda “Ýuwentus” topary bassyr 9-njy çempionlygyna golaýlady. Topar şu gün “Udineze” topary bilen duşuşar. Eger ýeňiş gazanan halatynda yzly-yzyna 9-njy çempionlygyny baýram eder.
Maurisio Sarriniň tälim berýän topary ikinji orundaky “Atalanta” toparyndan 6 utuk öňde. Ýene-de topar 4 duşuşyk geçirer. “Atalantanyň” bolsa 3 duşuşygy galdy.
Iki toparyň arasyndaky özara duşuşykda hem “Ýuwentusyň” artykmaçlygy bar. Birinji aýlawda “Ýuwentus” garşydaşyny 3:1 hasabynda utdy, ikinji aýlawda bolsa 2:2 deňme-deň oýnady.
Şeýlelikde, “Ýuwentus” topary “Udineze” toparyny ýeňen halatynda, utuk aratapawudyny 9-a ýetirip, “Seriýa A” çempionatynda yzly-yzyna 9-njy çempionlygyny yglan eder.