Birleşen Milletler Guramasynyň Çagalar Gaznasynyň (ÝUNISEF) Türkmenistandaky wekili Kristin Weýgand Türkmen dilinde Gurban baýramyny gutlady. ÝUNISEF-iň Türkmenistandaky wekilhanasynyň resmi Instagram hasaby bolan @unicef_turkmenistan hasabyndan goýberilen wideo rolikde, hanym Weýgand, Eziz dostlar! Nesip bolsa, ýakyn günlerde Türkmenistanda iň esasy baýramlaryň biri bolan Gurban baýramyny belläris. Hoşallygy, akgöwünliligi, agzybirligi we ýagty geljege bolan ynamy dabaralandyrýan ähmiýetli baýram bilen sizi tüýs ýüregimden gutlaýaryn! Bu ýyl sizden öýde galmagyňyzy we garyndaşlaryňyz we dost-ýarlaryňyz bilen aragatnaşygy başgaça usullar bilen saklamagyňyzy haýyş edýäris. Geliň, bu baýramda birek-biregi goramak we saglyk-amanlykda mähriban ojaklarymyzyň başynda bolmak bilen, töweregimizdäkilere bolan söýgimizi we aladamyzy beýan edeliň! Gurban baýramyňyz mübärek bolsun, mähriban dostlar! diýip nygtaýar.
ÝUNISEF: Türkmen dilinde Gurban baýramy gutlagy
