Yrak özüniň elektrik stansiýalaryny ýangyç bilen üpjün etmek maksady bilen Türkmenistanyň tebigy gazyny Eýranyň üsti bilen almak babatdaky shemany tassyklady. Bu barada Yragyň habar gullugy habar berýär.
Ministrler Kabinetiniň mejlisinde ýurduň Premýer-ministri Mohammed Al-Sudani ýolbaşçylygyndaky hökümet Türkmenistanyň tebigy gazyny Eýranyň üsti bilen “swop” görnüşinde import etmek babatda Dubaýda hereket edýän “Loxstone Energy Company” energiýa kompaniýasy bilen şertnama baglaşylmagyna ygtyýar berdi.
Yragyň Energetika ministrligi ýurduň hökümetiniň tabşyrygy esasynda “Loxstone Energy Company” energiýa kompaniýasy bilen şertnama baglaşar.
Tebigy gazy üpjün ediji ozal gazanylan özara düşünişmek hakyndaky ähtnama laýyklykda, “Türkmengaz” döwlet konserni bolup durýar. tölegler boýunça Yragyň Maliýe ministrligi zerur bolan maliýe serişdelerini öz wagtynda bölüp berer. Döwlet edarasy salgytlar we ýygymlar bilen baglanyşykly çykdajylary öz üstüne alýar.
2024-nji ýylyň iýulynda Türkmenistan bilen Eýranyň arasynda ýyllyk 10 milliard kubmetr tebigy gazy almak-satmak boýunça şertnama baglaşylypdy. Şol şertnama laýyklyk,da Türkmenistan Yragy Eýranyň üsti bilen “swop” görnüşinde tebigy gaz iberer.