JEMGYÝET

Ýeralma ― ýagtylyk çeşmesi

Ysraýylly alymlar ýeralmadan elektrik energiýasyny almagyň ýoluny tapdylar. Ýörite ulgam arkaly ýeralmadan alnan energiýa bir otagy 40 günüň dowamynda ýagtylandyryp bilýär.

Bu ulgamy işletmek üçin ýeralmanyň buglanan bolmagy şertdir. Şeýlelikde, ol örän az çykdajyly elektrik energiýasyna öwrülip bilýär.

Bu taslama Kudus Ibrani uniwersitetinde işleýän alym Haim Roabinowitçiň ýolbaşçylygyndaky topara degişli. Onuň aýtmagyna görä, 8 minudyň dowamynda gaýnadylan ýeralma çig görnüşinden 10 esse kän energiýa öndürip bilýär. Onuň energiýasyny has güýçlendirmek üçin bolsa, gaýnadylan ýeralmany dilimläp, aralaryna metal elektrik geçiriji ornaşdyrýarlar. Şeýlelikde, sähelçe ýeralma tutuş bir otagy 40 günläp ýagtylandyryp biljek energiýanyň döremegine sebäp bolýar.

Bu işiň ýene bir gyzykly tarapy, elektrik energiýasyny zaýalanan ýeralmalardan hem öndürip bolýanlygydyr. Mysal üçin, Keniýada her ýyl 2,1 million tonna çenli ýeralma ýetişdirilýär. Ýalňyş ýerleşdirmäniň netijesinde bu hasylyň 20 göterimi zaýalanýar. Ýagny diňe Keniýada her ýyl 410 müň tonna çenli ýeralma zaýa bolýar. Bu örän uly ýitgidir. Indi bolsa munuň üçin endişelenere sebäp ýok. Ysraýylly alymlaryň oýlap tapyşynyň netijesinde zaýalanan ýeralmalar tutuş Keniýa ýagtylyk paýlap biler.

Ýene-de okaň

Türkiýäniň Prezidenti Türkmenistanyň Garaşsyzlyk gününi gutlady

Türkmen halkynyň Milli Lideri Arkadag şäherinde täze taslamalar bilen tanyşdy

Türkmenistanyň käbir etraplarynda täze kazyýet we prokuratura edaralary döredildi

Türkmenistanyň Baş prokuroryna täze orunbasar bellendi

“Aga gurluşyk” hususy kärhanasy Azerbaýjanyň Fizuli şäherinde metjit gurar

Ata Watan Eserleri

Türkmenistanyň Mejlisinde Irlandiýa Respublikasynyň ilçisi ynanç hatyny gowşurdy