Günorta Koreýada “Hyperloop” atly wakum otlusynyň ýokary tizligi, sesiň tizligine ýetdi diýip, “Independent” neşiri habar berýär. Täze wakum otlusy, Koreýa demir ýol gözleg instituty tarapyndan synag edildi. Hünärmenler synag mahalynda wakum otlusynyň tizligi sagatda 1.019 kilometre barabar bolandygy barada nygtap geçdiler. Institutyň öňki rekordy sagatda 714 km bolupdy we synag üçin otlunyň göwrümli görnüşi ulanyldy. Günorta Koreýa 2024-nji ýyla çenli doly derejede wakum otly ulgamyny işe girizmegi meýilleşdirýär. Häzirki wagtda Seuldan Pusana şäherine çenli üç sagatda baryp bolýan bolsa, indi bu otly bilen 30 minutda baryp bilerler.
Wakum otluny 2012-nji ýylda “Space X” kompaniýasynyň başlygy Ilon Musk teklip edipdi, ýöne taslamanyň üstünde işlemek üçin wagtynyň ýokdugyny hem belläpdi. Bu taslamanyň üstünde birnäçe kompaniýalar işledi, olaryň arasynda ynam bilen bu taslamany güýje girizen “Hyperloop TT” we “Wirgin Hyperloop” kompaniýalary boldy.
Siz bu sahypada gündelik syýasata degişli habarlary okap bilersiňiz!
