Şu gün Türkmenistanyň Prezidenti Gurbanguly Berdimuhamedow bilen Russiýa Federasiýasynyň Prezidenti Wladimir Putiniň arasynda telefon arkaly söhbetdeşlik geçirildi. Bu barada Russiýa Federasiýasynyň Prezidentiniň resmi saýtynda bellenilip geçilýär.
“kremlin.ru” internet neşiriniň habaryna görä, türkmen-rus strategik hyzmatdaşlyk gatnaşyklary üstünlikli ösdürilýär. Şonuň bilen baglylykda ikitaraplaýyn hyzmatdaşlyga degişli birnäçe möhüm ugurlar ara alnyp maslahatlaşyldy. Iki ýurduň döwlet Baştutanlary koronawirus ýokanjyna garşy bilelikde göre; almak barmak babatda hem pikir alyşdylar.
Şeýle hem Hazarýaka ýurtlaryň döwlet Baştutanlarynyň 6-njy sammitine hem-de ikinji Hazar ykdysady Foruma görülýän taýýarlyklar hem maslahatlaşyldy. Bu ýokary derejedäki sammitleri şu ýyl geçirmek göz öňünde tutulýar.
Mundan başga-da, Wladimir Putin Türkmenistanyň Prezidentine kakasynyň aradan çykandygy zerarly çuňňur gynanjyny bildirdi.
Mälim bolşy ýaly, Wladimir Putin Türkmenistanyň Prezidentine kakasynyň aradan çykandygy zerarly gynanç hatyny hem iberipdi.