2023-nji ýylyň 24-nji iýulynda Türkmenistanyň Söwda-senagat edarasynyň binasynda Türkmenistanyň Söwda-senagat edarasynyň başlygy Mergen Gurdow bilen Türkiýe Respublikasynyň Halkara Ykdysady Hyzmatdaşlyk Guramasynyň agzasy Sefa Gomdeniziň arasynda duşuşyk geçirildi.
Duşuşykda iki ýurduň işewür toparlarynyň arasyndaky hyzmatdaşlygy has-da güýçlendirmek meseleleri ara alnyp maslahatlaşyldy. Türk tarapy, Türkmenistanyň işewür toparlaryny Türkiýede geçirilýän sergilere gatnaşmaga çagyrdy.
Mälim bolşy ýaly, golaýda Türkiýäniň Stambul şäherinde geçirilen «F Istanbul» atly azyk önümleriniň halkara sergi-ýarmarkasyna Türkmenistanyň Senagatçylar we telekeçiler birleşmesiniň agzalarynyň 14-si gatnaşypdy.
Abraýly halkara forumda milli önüm öndürijilerimizden «Täze Aý», «Arçalyk», «Misgär», «Altyn Ýunus», «Kindi», «Mekan», «Ak Gar», «Mähriban-Merw», «Parahat», «Tamada», «Elle», «Balam», «Balşeker», «Tükel» ýaly hususy kärhanalardyr hojalyk jemgyýetleri öz önümleriniň görkezipdi.