Futbol boýunça Türkmenistanyň ýaşlar ýygyndysy Ahmet Agamyradowyň ýolbaşçylygynda 2024-nji ýylda geçiriljek Aziýa Kubogynyň saýlama tapgyrynyň duşuşyklarynyň öňüsyrasy Hytaýyň Dalian şäherinde okuw-türgenleşik ýygnanyşygyny geçirýär. Ýurdumyzyň ýaşlar ýygyndysy okuw ýygnanyşygynyň dowamynda ýoldaşlyk duşuşyklarynyň ikisini geçirer. Bu barada Futbol federasiýasynyň resmi saýtynda bellenilip geçilýär.
Ýygyndy toparymyzyň tälimçiler düzümi saýlama tapgyrynyň duşuşyklaryna gatnaşmak üçin milli ligalarymyzda çykyş edýän futbolçylaryň 23-sini çagyrandyklaryny bellemek gerek.
Ýeri gelende bellesek, Türkmenistanyň futbol boýunça 23 ýaşa çenli ýaşlar ýygyndysy Aziýanyň kubogy ― 2024-iň saýlama tapgyrynyň “K” toparçasynda Indoneziýanyň hem-de Hytaý Taýpeýiniň ýygyndy toparlary bilen duşuşar. “K” toparçanyň duşuşyklary 6-12-nji sentýabr aralygynda merkezleşdirilen görnüşinde Indoneziýada geçiriler.
Aziýa Kubogynyň final tapgyry 2024-nji ýylda Katar döwletinde geçiriler.