«Türkmenistan» awiakompaniýasy Russiýa Federasiýasynyň Tatarystan Respublikasynyň paýtagty Kazan şäherinde adaty uçar gatnawlarynyň sanyny artdyrýar. Bu barada awiakompaniýa habar berdi.
Awiakompaniýanyň habaryna görä, 1-nji iýuldan Türkmenistandan Kazana amala aşyrylýan uçar gatnawlary hepdeden 1 gezekden 2 gezege çykarylýar. Ozal her hepdäniň çarşenbe günleri Kazana gatnawlar amala aşyrylýan bolsa, indiki aýdan hem çarşenbe hem-de ýekşenbe günleri ýerine ýetiriler.
Bilşimiz ýaly, Türkmenistanyň paýtagty Aşgabatdan Tatarystan Respublikasynyň paýtagty Kazan şäherine adaty gatnawlar şu ýylyň 1-nji iýunynda ýola goýlupdy. Ol hem koronawirus pandemiýasy bilen baglanyşykly ýagdaýlaryň kadalaşmagy bilen amal boldy.
Birnäçe sagat öň, habar berşimiz ýaly, «Türkmenistan» awiakompaniýasy iýul aýyndan Russiýanyň paýtagty Moskwa şäherine hem hepdede 2 gezek adaty gatnawlary ýola goýmagy meýilleşdirýär.
“Türkmenistan†awiakompaniýasy: Moskwa adaty uçar gatnawlary başlaýar