Daşary ýurtlardaky raýatlarymyzy ýörite uçar gatnawlary bilen ýurdumyza getirýän «Türkmenhowaýollary» agentligi tarapyndan ýakynda Russiýadaky we Belarusdaky ildeşlerimizi getiriler. «Orient» agentliginiň habar berşi ýaly, 6-njy sentýabrda Belarusdaky watandaşlarymyz Türkmenabadyň Halkara howa menziline getiriler. Russiýa Federasiýasyndaky ildeşlerimiz bolsa 8-nji sentýabr güni Moskwa — Türkmenabat ugry boýunça Türkmenistana geler. Ýörite uçuşlar bilen ýurdumyza gelen raýatlarymyz Türkmenabat şäherindäki döwrebap saglyk merkezlerinde 14 günlük karantin gözegçilikde bolarlar.
Bellemeli zat, Belarusdaky we Hindistandaky watandaşlarymyzyň bir toparynyň eýýäm ýörite gatnawlar bilen ýurdumyza getirildi.
Ýadyňyzda bolsa ýakynda “Türkmenhowaýollary” agentliginiň Türkiýe döwletindäki bilet satyş wekilhanasyny bolup durýan Hakim Turizm Akyıldızlar Dış Ticaret Ltd şereketine salgylanyp Türkmenistanyň Stambul adaty gatnawynyň 1 Oktýabr 2020 senesine çenli togtadylýandygyny habar beripdik. Onuň yzysüre bolsa “Türkmenhowaýollary” agentliginiň Russiýadaky wekilhanasynyň https://turkmenistanairlines.ru internet saýtyna salgylanyp görkezilen ugurlar boýunça adaty uçar gatnawlarynyň 30 Sentýabr 2020 senesine çenli ýatyrylýandygy okyjylarymyza ýetiripdik.
Bulary hem okaň!
Halkara gatnawlarda Stambuldan soňra beýleki ugurlar
Aşgabat-Stambul uçar gatnawlarynda täze möhlet
Ýurdumyzyň sungat ussatlary bilen taýýarlanan bir-birinden gyzykly söhbetdeşlikleri bu sahypamyzdan okap bilersiňiz!
