Russiýa Federasiýasynyň Türkmenistandaky ilçihanasynyň garamagynda Türkmenabat-Moskwa ugry boýunça ýörite uçar gatnawy amala aşyrmak meýilleşdirilýär. Bu barada Russiýanyň ilçihanasynyň “Telegram” jemgyýetçilik torunda bellenilip geçilýär.
Şol habarda bellenilip geçilişi ýaly, Russiýanyň “S7 Airlines” awiakompaniýasy tarapyndan 11-nji fewral Türkmenabat-Moskwa ugry boýunça ýörite gatnaw göz öňünde tutulýar.
Bu gatnaw üçin awiapetekleriň şu gün, ýagny 7-nji fewralda satylyp başlanandygy hem mälim edilýär.
Bu ýörite gatnaw koronawirus ýokanjy bilen baglanyşykly girizilen çäklendirmeleriň çäklerinde ýerine ýetiriljek 35-nji gatnaw bolar.
Türkmenabat-Moskwa ugry boýunça 34-nji gatnaw şu ýylyň 28-nji ýanwarynda ýerine ýetirilipdi.
Mälim bolşy ýaly, Russiýanyň “S7 Airlines” awiakompaniýasy 2020-nji ýylyň martyndan bäri ýörite gatnawlary ýola goýýar.
Amerikada Talyp haky bilen bilim almak isleýärsiňizmi: Fulbraýt maksatnamasy
