Türkiýe Respublikasynda 2022-nji ýylyň 22-nji maýyndaky ýagdaýa görä, koronawirus ýokanjy bilen baglanyşykly ýüze çykýan wakalaryň sany azalýar. Şeýle wakalaryň sany 905-ä deň boldy we bu kesel bilen ýogalanlaryň sany bolsa 5 boldy.
Ýurtdaky koronawirus ýokanjy bilen baglanyşykly maglumatlar her gün agşam ýurduň Saglygy goraýyş ministrligi tarapyndan beýan edilýär. 22-nji maýdaky ýagdaýa görä, 24 sagadyň dowamynda 118 müňden gowrak barlag geçirilip, 905 adamda bu keseliň ýogulandygy bellenildi.
Türkiýänyň saglygy goraýyş ministri Fahrettin Koja tarapyndan berlen beýanatynda: “Koronawirus bilen baglanyşykly waka sany 905. Köpden bäri garaşýan pursatymyz gelip ýetdi. Bu ýokanja ýogulýanlarynyň sanynyň 1000-den az bolmagyna garaşýardyk. Şeýle ýagdaý 3 gün dowam eden halatynda jemgyýetçilik ulaglarynda hem agyz-burun örtüklerini dakynmak düzgüni ýatyrylar” – diýip belledi.
Wiktor Orban Türkmenistanyň Prezidentine gutlag haty iberdi