Türkiýe Respublikasynyň Içeri işler ministrliginiň ýaýradan maglumatnamasyna laýyklykda, şu günden başlap, Türkiýe Respublikasyna barýan ýolagçylardan soňky 72 sagadyň dowamynda COVID-19 barlagyndan geçendigini tassyklaýan resminamasy talap edilmeýär.
Şeýle hem täze maglumatnamada soňky 72 sagadyň dowamynda hem-de soňky 48 sagadyň dowamynda COVID-19 barlagyndan geçendigini tassyklaýan resminamasy zerurlygy aradan aýryldy.
Ýurduň Içeri işler ministrligi bu maglumatnamany 81 welaýat häkimligine ýollady. Şol maglumatnamada COVID-19 ýokanjynyň ýaýramagynyň öňüni almak üçin ýurduň çäginde we serhetlerdäki gözegçilik nokatlarynda göz öňünde tutulýan öňüni alyş çäreleri ýokanjyň dünýä möçberindäki ýagdaýyna görä kesgitlenýär.
2022-nji ýylyň 3-nji martyndaky maglumatnamada ähli serhetlerdäki gözegçilik nokatlaryndaky girişlerde öňüni alyş çäreleri göz öňünde tutulypdy.