Ozal hem habar berşimiz ýaly, Türkiýänyň “Türkhowaýollary” awiakompaniýasy şu ýylyň 22-nji aprelinde Stambul-Türkmenbaşy-Stambul ugry boýunça ýörite uçar gatnawyny amala aşyrýar.
Bu gatnaw barada Russiýa Federasiýasynyň Türkmenistandaky ilçihanasynyň “Telegram” jemgyýetçilik kanalynyň sahypasynda maglumat berlipdir. Onda hususan-da, Türkiýäniň üsti bilen Russiýa gitmek mümkinçiligi göz öňünde tutulyp, habar berlipdir.
Habarda Türkmenistanda wagtlaýyn bolýan Russiýanyň raýatlarynyň bu gatnawdan peýdalanyp biljekdigi aýdylýar. Has içgin maglumat üçin “Türkhowaýollary” awiakompaniýasy Aşgabatdaky şahamçasy bilen habarlaşyp boljakdygy bellenilýär.
Şeýle hem ilçihananyň konsullyk bölüminde wiza almagyň düzgünleriniň Russiýanyň ilçihanasynyň resmi saýtynda çap edilendigi mälim edilýär.
Mälim bolşy ýaly, Türkiýäniň “Türkhowaýollary” awiakompaniýasy mart we aprel aýlarynda Türkmenistan ugurly 5-nji gatnawyny amala aşyrar. Bu kompaniýa mart aýynda 3 gatnaw, ýagny-9-njy martda Stambul-Aşgabat-Stambul, 14-nji we 26-njy martda bolsa, Stambul-Türkmenbaşy-Stambul ugry boýunça gatnawlary ýerine ýetirdi.
“Atavatan Türkmenistan” halkara žurnalynyň www.atavatan-turkmenistan.com saýtynda ýerleşdirilýän ýurdumyzyň täzelikleri, bäsleşikler, tenderler, uçar gatnawlary we beýleki habarlardan habarly bolmak isleseňiz, onda, mobil goşundymyzy şu aşakdaky linke basyp ýükläp alyp bilersiňiz.
