ABŞ-nyň Respublikanlar partiýasy ýurduň häzirki Prezidenti Donald Trampyň şu ýylyň noýabr aýynda geçiriljek Prezident saýlawlaryndaky dalaşgärligini tassyklady. Prezident Tramp ýurduň Şarlott şäherinde geçirilen Respublikanlar partiýasynyň gurultaýyna gatnaşyp, şol ýerde delegatlaryň öňünde gysgaça çykyş etdi.
– Biz saýlawlarda ýeňiş gazanmalydyrys. Bu saýlaw biziň ýurdumyzyň taryhyndaky iň möhüm saýlawlaryň biridir – diýip Tramp çykyşynda belläp geçdi.
Donald Tramp saýlawlarda ýeňiş gazanan halatynda ýokary döwlet wezipesine 2-nji möhlete saýlanýar. Bu prezidentlik möhleti ýurduň kanunlaryna laýyklykda, onuň üçin soňky möhlet bolar.
Trampyň esasy bäsdeşi Demokratlar partiýasynyň geçen hepde tassyklan dalaşgäri Jo Baýden bolar. Jo Baýden ýurduň ozalky Prezidenti Barak Obamanyň döwründe wise-prezident wezipesini amala aşyrypdy.