ABŞ-nyň Prezidenti Donald Tramp 2026-njy ýylyň futbol boýunça dünýä çempionatynyň bije çekilişiginiň senesini yglan etdi.
Geljek ýyl ABŞ-nyň hem gatnaşmagynda geçiriljek futbol boýunça dünýä çempionatynyň bije çekilişi şu ýylyň 5-nji dekabrda Waşington şäherinde Kennedi adyndaky Sungat merkezinde geçiriler.
Bu barada Amerikanyň Birleşen Ştatlarynyň Prezidenti Donald Tramp Ak Tamda eden çykyşynda belläp geçdi.
Onuň aýtmagyna görä, paýtagtda bije çekilişi geçirmek – bu “uly hormat”.
“Bu ajaýyp çäre, dünýä sportunda iň beýik ýaryşdyr. Biz dünýäniň iň gowy türgenlerini ýurdumyzyň medeniýet merkezinde kabul edýänimiz bilen buýsanýarys” – diýip, ol belledi.
Çärä FIFA-nyň prezidenti Janni Infantino hem gatnaşdy. Tramp ony “gaty zähmetkeş, ajaýyp iş edýän adam” diýip tanyşdyrdy.
FIFA-nyň prezidenti öz ýany bilen dünýä kubogyny hem getiripdir.
Şeýle hem 2026-njy ýylda ABŞ-da geçiriljek dünýä çempionatyna tomaşa etmek isleýän janköýerler üçin ABŞ-nyň wizasyny almak boýunça ýüz tutmak işine badalga berildi. Janköýerler çempionatyň geçjek wagtyna garaşmazdan, häzirki wagtda ABŞ-nyň wizasy üçin ýüz tutup bilerler.