Mälim bolşy ýaly, Türkiýe Respublikasynda koronawirus ýokanjynyň öňüni almak maksady bilen 2021-nji ýylyň 29-njy apreli-17-nji maýy aralygynda çäklendirmeler güýçlendirildi. Şu döwürde “Türh Howa Ýollary” milli awiasiýa kompaniýasynyň hem içerki we daşary ýurt gatnawlarynda göz öňünde tutan çäreleri bar.
Şoňa laýyklykda, içerki gatnawlarda 2021-nji ýylyň 29-njy apreli-17-nji maýy aralygynda awiakompaniýanyň hyzmatyndan peýdalanmak isleýän ýolagçylaryň syýahat etmek üçin rugsatnamalaryny we gatnaw üçin HES kodyny alandan soňra uçuşyny amala aşyryp biljekdigi mälim edildi. Bu barada awiakompaniýanyň internet sahypasynda bellenilip geçilýär.
bu baradaky täzelikleri yzygiderli internet sahypasyndna yzarlamak bolar.
Şeýle hem bu barada awiakompaniýanyň metbugat sekretary Ýahýa Üstün jemgyýetçilik torundan maglumat berdi. Ol içerki gatnawlarda syýahat üçin rugsatnama alynmalydygyny belläp, daşary ýurt saparlarynda bu rugsatnama zerurlygyň ýokdugyny belledi.
Ýahýa Üstün daşary ýurt gatnawlarynda syýahat rugsatnama resminamasyna zerurlygyň ýokdugyny, ýöne barýan ýurduň şertleri göz öňünde tutulyp, koronawirus ýokanjy babatda lukmançylyk barlagyndan geçmeli bolup biljekdigini belledi.
Türkiýede 3 hepdelik döwürde şäherara gatnawlarda köpçülikleýin jemgyýetçilik ulaglaryndan peýdalanylanda olaryň sygymynyň 50 göteriminden peýdalanmak göz öňünde tutulýar.
Iňlis dilini bilmek üçin näçe söz öwrenmeli ýa-da näçe wagt gerek?