Ozal habar berşimiz ýaly, 2028-nji ýylda ABŞ-nyň Los-Anželes şäherinde geçiriljek Olimpiýa oýunlaryna sportuň ýene-de 5 görnüşini goşmak meýilleşdirilýärdi. Bu babatda şu ýylyň 15-17-nji oktýabrynda Hindistanda geçirilen Halkara Olimpiýa komitetiniň 141-nji mejlisinde degişli çözgüt kabul edildi.
Şoňa laýyklykda, flag-futbol, kriket, lakross, skwoş, şeýle hem beýsbol Olimpiýa oýunlarynyň sport maksatnamasynyň düzümine girizildi.
Sportuň bu görnüşleriniň 3-si ozal Olimpiýa oýunlarynyň maksatnamasynda bardy. Kriket 1900-nji ýyldaky Olimpiýa oýunlarynda, lakross bolsa 1904-nji we 1908-nji ýyllardaky oýunlarda göz öňünde tutulypdy.
Beýsbol bilen softbol bolsa, 1992-nji ýylda Olimpiýa oýunlarynyň düzümine goşulypdy.
Los-Anželesdäki Olimpiýa oýunlary 2028-nji ýylyň 14-nji iýulynda başlap, 30-njy iýulda tamamlanar.