Hytaý Halk Respublikasynyň Başlygy Si Szinpin we ABŞ-nyň Prezidenti Jo Baýden 17-21-nji noýabrda Braziliýada geçiriljek “G20” sammitine gatnaşar. Bu barada Hytaýyň Daşary işler ministrliginiň resmi wekili hem-de Ak Tamyň metbugat sekretary Karin Žan-Pýer habar berdi.
Si Szinpin Braziliýanyň Prezidenti Lula da Silwanyň çakylygy boýunça bu ýurtda saparda bolar we saparyň çäklerinde “G20” sammitine gatnaşar.
Ak Tamyň metbugat sekretary Karin Žan-Pýer Jo Baýdeniň Braziliýadaky “G20” sammitine hem-de Peruda geçiriljek Aziýa-Ýuwaş ummany ykdysady hyzmatdaşlyk forumyna gatnaşjakdygyny habar berdi.