Şu ýylyň 22-24-nji oktýabrynda Tatarystanyň paýtagty Kazanda BRIKS sammiti geçiriler. Oňa dünýäniň köp ýurdundan döwlet Baştutany derejesinde wekiliýet gatnaşar. Sammite Hytaý Halk Respublikasynyň Başlygy Si Szinpin hem-de Birleşen Arap Emirlikleriniň Prezidenti Muhammed ben Zaid Al Nahaýýan gatnaşar.
Hytaýyň Daşary işler ministrliginiň resmi wekili Hua Çunin metbugat ýygnagynda Si Szinpiniň 22-24-nji oktýabr aralygynda Russiýada saparda bolup, Kazan şäherinde 16-njy BRIKS sammitine gatnaşjakdygyny habar berdi.
Russiýanyň Prezidentiniň metbugat gullugy 21-nji oktýabrda Birleşen Arap Emirlikleriniň Prezidenti Muhammed ben Zaid Al Nahaýýanyň Russiýa sapar bilen geljekdigini we ilki bilen Russiýanyň Prezidenti Wladimir Putin bilen gepleşikler geçirjekdigini mälim etdi.
Soňra BAE-niň Prezidenti Kazandaky BRIKS sammitine gatnaşar.