Uçarlar durmuşymyzda köp wagtdan bäri bar. Ýolagçy gatnawynda ulanylyp başlany bäri, uçarlar uzak aralyga syýahat etmek üçin zerur bolup durýar. Awtomobil ýa-da deňiz ulaglary bilen birnäçe gün dowam edýän saparlar uçarlar arkaly birnäçe sagadyň içinde geçip bolýär. Uzak aralykdaky saparlaryň wagtyny tygşytlamak we azaltmak üçin täze tehnologiýalar işlenip düzülýär.
“Boom Supersonic” kompaniýasy täze ýolagçy uçarynyň prototipini hödürledi. Şoňa laýyklykda, kompaniýanyň täze uçary sagatda 2 müň kilometrden ýokary tizlige ýetip biler. Başgaça aýdylanda, täze model Atlantik ummanyndan bary-ýogy 3,5 sagadyň içinde geçip biler.
Ýolagçy uçarlarynda täze döwrüň başlanýandygyny alamatlandyrýan bu täzeligiň 2029-njy ýylda ulanylmaga başlanmagy göz öňünde tutulýar.
Täze sesden hem çalt hereket etjek ýolagçy uçary halk köpçüligine halkara sergide görkezildi.
“Boom” kompaniýasy 60000 fut belentlikde uçup bilýän “Overture” atly ýolagçy uçary 65 bilen 80 aralygynda ýolagçy kabul edip biler. Şeýle hem kompaniýa täze ýokary tizlikli uçarlarynda “dünýädäki ilkinji ses azaltmak ulgamyny” ulanjakdygyny mälim etdi.
2025-nji ýylda “Overture” atly ýolagçy uçarynyň önümçiligine başlanar we 2026-njy ýylda synag ediler. 2029-njy ýylda bolsa, adatdan daşary tizlikde hereket etjek bu uçarda ýolagçylary gatnatmak meýilleşdirilýär.