BAE-niň «Şabab Al-Ahli» klubunyň eýranly hüjümçisi Serdar Azmun, BAE Ýokary ligasynyň möwsüminiň iň gymmatly oýunçysy diýlip yglan edildi we abraýly «Altyn top» baýragyna mynasyp boldy.
Geçen möwsümiň iň gowy oýunçylaryny sylaglamak dabarasy BAE-de geçirildi. Şonda geçen möwsümde «Şabab Al-Ahli» bilen çempion bolan Serdar Azmun liganyň iň gymmatly oýunçysy hökmünde «Altyn top» baýragyny aldy.
Geçen möwsümde Azmun BAE-niň çempionatynda 21 duşuşykda 11 gol geçirip, 6 netijeli pas berdi. Umuman, «Şabab Al-Ahli» bilen ähli ýaryşlarda 39 duşuşykda çykyş edip, 26 gol we 10 gol pasy bilen tapawutlandy.