Halkara howa ulaglary birleşigi (IATA) ýakyn wagtda sanly “Digital Covid Travel” (“Sanly koronawirus syýahat”) syýahat kartynyň taýýar bolmagyna garaşýandygyny habar berdi. Bu syýahat kartynda islendik syýahatçynyň bir ýurda barmak üçin zerur bolan Covid-19 synaglarynyň we sanjymlarynyň bardygyny ýa-da ýokdugyny barlanjak programmada, ýurtlaryň saglyk bölümleriniň tassyklamasy berler.
Halkara howa ulaglary birleşigi halkara howa gatnawlary üçin sanly “Digital Covid Travel” kartynyň zerur hasaplaýandyklaryny mälim etdiler. Halkara Howa Ulaglary Assosiasiýasy (IATA) howa menzilleri we halkara gatnaşyklar sebit dolandyryjysy Winop Goel bolsa şeýle belleýär: “Iň möhüm zat ynam, syýahatçylar synaglarynyň dogrudygyna we ýurda girmegine rugsat berilmelidigine göz ýetirmelidiris”. “Digital Covid Travel” syýahat karty IOS we Android platformalarynda ulanyjylara mugt hödürlenmegine garaşylýar. Singapuryň awiasiýa kompaniýasy dekabr aýynda sanly syýahat kartyny synap gören ilkinji awiakompaniýa boldy.
Hoş habar -Täze Applikasiýa: Makul Sözlük
Makul Sözlük (www.makulsozluk.com ) özüniň “Android” ulgamynda hereket edýän täze applikasiýasyny-Makul Sözlük applikasiýasyny hödürleýär. Toparymyz düýn Kompýuterlerdäki “Chrome Browserde” ulanmaga mümkinçilik berýän täze “Browser goşundysyny”-Makul Sözlük goşundysyny ulanmaga taýýar eden bolsa, şu gün “Android” applikasiýasyny herekete girizdi. Şeýlelikde, köp sanly “Makul Sözlük” ulanyjylary, diňe www.makulsozluk.com saýtyna girmek bilen bu sözlükden peýdalanman, eýsem, kompýuterlerinde “Makul Sözlük” goşundysyny, Android ulgamyndaky mobil telefonlarynda bolsa “Makul Sözlük” applikasiýasyny ulanyp bilerler. Ýakynda IOS ulgamynda hereket edýän Applikasiýamyz hem hereket edip başlar.