Russiýanyň “S7” awiakompaniýasy uçar gatnawlaryny Aşgabadyň halkara howa menziline hem amala aşyrar. Bu barada Russiýa Federasiýasynyň Türkmenistandaky ilçihanasynyň “Telegram” jemgyýetçilik torunda bellenilip geçilýär.
Habar berlişine göre, rus kompaniýasy 2023-nji ýylyň 20-nji fewralyndan duşenbe günlerindäki uçar gatnawlaryny Aşgabat şäheriniň howa menziline amala aşyrar.
Şol bir wagtda awiakompaniýanyň Türkmenbaşy ugry boýunça-da gatnawlary göz öňünde tutulandyr. Ýagny, duşenbe günleri Aşgabat, perşenbe günleri Türkmenbaşy ugry boýunça gatnawlar ýerine ýetiriler.
Kompaniýanyň uçar gatnawlarynyň rejesi şeýle:
Duşenbe güni
- Moskwa-Aşgabat, “S7” 3235 gatnawy, 09:05-de gonýar
- Aşgabat-Moskwa, “S7” 3236 gatnawy, 10:05-de uçýar
Penşenbe güni
- Moskwa-Türkmenbaşy, “S7” 3237 uçar gatnawy, 09:05-de gonýar
- Türkmenbaşy-Moskwa, “S7” 3238 uçar gatnawy, 10:05-de uçýar