“Sputnik V” – bu häzirki wagtda dünýäde dörän pandemiýa garşy Russiýanyň Gamaleýa ylmy-barlag merkezi tarapyndan işlenip düzülen sanjym bolup durýar. Hil taýdan synaglary üstünlikli doly derejede geçen sanjym eýýäm dünýäniň köp ýurtlary muňa gyzyklanma bilen garaýarlar, hat-da satyn hem almaga girişdiler.
Russiýanyň maýa goýum gaznasy “Sputnik V” sanjymy maliýeleşdirijisi hökmünde Russiýanyň Gamaleýa ylmy-barlag instituty tarapyndan işlenip düzülen koronawirus sanjymyny “Landsteiner Scientific” derman kärhanasy bilen 32 million dozasyny Meksika döwletine bermek barada şertnama gol çekişdi. Beriljek bu möçber Meksika döwletiniň ilatynyň 25% göterimini pandemiýadan halas edip boljakdygyny mälim edildi.
Rus sanjymyna gyzyklanma bildiren we satyn almak babatda başlangyç bilen çykyş eden ilkinji ýurt Belarus Respublikasy bolupdy.
Mälim bolşy ýaly, 2020-nji ýylyň 11-nji awgustynda Russiýa dünýäde ilkinji bolup, täze görnüşli koronawirusyň sanjymyny hasaba aldy we oňy “Sputnik V” diýip atlandyrdy. Bu sanjymyň kliniki barlaglarynyň 3-nji tapgyryna 9-njy sentýabrda girişildi. Bu tapgyra ähli ýaş toparlaryndan meýletinçileriň 40 müňden gowragynyň gatnaşmagyna garaşylýar.
Global pandemiýa şertleri tamamlanandan soňra haýsy ýurda syýahata gitsem diýýänler we syýahat etmegi söýýänleriň sahypasy
