Portugaliýaly Žorže Žezuş Saud Arabystanynyň “Al-Nasr” futbol toparynyň baş tälimçisi wezipesine bellendi. Bu barada toparynyň metbugat gullugy habar berdi.
Kristiano Ronaldonyň çykyş edýän “Al-Nasr” topary baş tälimçisi Stefani Pioli bilen şertnamasyny ýatyrdy. Ol 2024-nji ýylyň sentýabrynda bu wezipä bellenipdi.
70 ýaşyndaky Žezuş 2023-2025-nji ýyllarda Saud Arabystanynyň “Al-Hilal” toparyna çälim berdi. Şol döwürde bu topar 3 gezek Saud Arabystanynyň Superkubogyny gazandy we bir gezek hem çempion boldy.
Portugal tälimçi Portugaliýanyň “Benfika” toparynda tälimçilik eden döwründe uly üstünlikler gazandy. Bu topar bilen 3 gezek çempion bolup, 5 gezek Superkubogy gazandy.
Şeýle hem ol Braziliýanyň “Flamengo”, Türkiýäniň “Fenerbahçe”, Portugaliýanyň “Sporting”, “Braga”, “Belenenseş” toparlaryna tälim berdi.
“Al-Nasr” toparynda golaýda şertnamasyny uzaldan Kristiano Ronaldo, Emerik Laport, Sadio Mane ýaly ýyldyz futbolçylar çykyş edýär.