Saud Arabystanynyň “Al-Nasr” klubynyň hüjümçisi Kristiano Ronaldo professional karýerasynda 14-nji gezek bir senenama ýylynyň dowamynda 40 gol geçirmegi başardy.
27-nji dekabrda portugaliýaly futbolçy Saud Arabystanynyň çempionatynyň 11-nji tapgyrynda “Al-Ohdud” topary bilen geçirilen duşuşykda (3:0) 2 gol geçirip, bu görkezijä ýetdi.
Şuňa meňzeş netije Ronaldo üçin 2010–2018-nji ýyllarda, şeýle-de 2020-nji, 2021-nji, 2023-nji we 2024-nji ýyllarda hasaba alyndy. Portugaliýaly futbolçynyň iň gowy netijesi 2013-nji ýylda geçiren 63 goludyr.
Belläp geçsek, Ronaldo karýerasynyň dowamynda jemi 956 gol geçirdi.
“Al-Nasr” Saud Arabystanynyň çempionatynyň ilkinji 10 tapgyrynda mümkin bolan 30 utukdan 30-syny toplap, ýaryş tablisasynyň birinji ornunda ýerleşýär. Ikinji orunda duran “Al-Hilal” topary dört utuk yza galýar.