Owganystanyň daşary işler ministri Amir Han Muttakiniň ýolbaşçylygyndaky wekiliýet Türkmenistana resmi sapar bilen geldi, bu wekiliýet Aşgabatda özara gyzyklanma bildirilýän ugurlar boýunça ikitaraplaýyn gepleşikler geçirer.
Owganystanyň daşary syýasat edarasynyň habar bermegine görä, bu sapar Türkmenistanyň daşary işler ministri Raşid Meredowyň çakylygy boýunça amala aşyrylýar.
Owgan ministriniň ýolbaşçylygyndaky wekiliýetiň düzüminde Owganystanyň Dag magdan senagaty we nebit ministrliginiň, Owganystanyň Demirýol müdirliginiň we “Da Afghanistan Breshna Sherkat” energetika kompaniýasynyň wekilleri bar.