Ýaponiýanyň “Toshiba” kompaniýasy noutbuk önümçiligini bes eder. Bu barada kompaniýanyň metbugat gullugy habar berýär.
“Toshiba Client Solutions” kompaniýasynyň mirasdüşeri we noutbuk öndürmek bilen meşgullanýan “Dynabook”-yň soňky paýnamasy Ýaponiýanyň “Sharp” kompaniýasynyň gözegçiligine geçdi. Bu barada şertnama 2018-nji ýylda gol çekildi. Soňra paýnamalaryň 80.1% derrew alyja geçirildi. Galanlary üçin “Sharp” kompaniýasy 2020-nji ýylyň 30-njy iýunynda amala aşyran ilkinji satyn alyş hukuklaryna eýe boldy. Ähli resmi işler tamamlandy we “Sharp” kompaniýasy “Dynabook”-yň doly eýesi boldy.
Bu kompaniýa, 1985-nji ýylda T1100 bilen şahsy kompýuterleriň öňdebaryjylaryndan biridi. Şondan bäri kompaniýa köp meşhur modelleri öndürdi, ýöne wagtyň geçmegi bilen bazardaky öňdebaryjy ornuny ýitirdi.