Germaniýanyň “Siemens Mobility” kompaniýasy Müsüriň hökümeti bilen 60 şäheri birleşdirýän hem-de dünýäde ululygy boýunça 6-njy orny eýelejäk ýokary tizlikli otly ulgamyny döretmek üçin şertnama baglaşdy.
Şertnamanyň umumy bahasy 8,1 milliard ýewro bolup, ýokary tizlikli otly gatnawy üçin 2 müň kilometr demirýoly çekiler. Otlular üpjün ediler, şeýle hem 15 ýyllyk tehniki hyzmat şertnamasy baglaşylar.
Bu şertnamanyň hasabyna Müsürde 40 müňe golaý täze iş orny dörediler. “Siemens” kompaniýasy 2021-nji ýylyň 1-nji sentýabryna çenli Müsür bilen ilkinji demirýol liniýasynyň gurluşygy üçin 2,7 milliard ýewro möçberinde şertnama baglaşypdy.
Taslamanyň hyzmatdaşlary hökmünde Müsüriň “Orascom Construction” we “The Arab Contractors” kompaniýalary çykyş edýär.