30-31-nji ýanwarda Özbegistanyň Daşkent şäherinde Merkezi Aziýanyň döwlet Baştutanlarynyň Konsultatiw duşuşygy boýunça milli utgaşdyryjylaryň geňeşiniň 2025-nji ýyldaky ilkinji duşuşygy geçirildi.
Oňa Merkezi Aziýa döwletleriniň wekilleri gatnaşdy. Duşuşykda Merkezi Aziýanyň döwlet Baştutanlarynyň 7-nji Konsultatiw duşuşygyna görülýän taýýarlyk barada pikir alşyldy. Bu ýokary derejedäki duşuşygy 2025-nji ýylyň sentýabrynda Özbegistanda geçirmek göz öňünde tutulýar.
Şeýle hem 2027-nji ýyla çenli sebit hyzmatdaşlygyny ösdürmäge gönükdirilen Ýol kartasynda göz öňünde tutulan üstümizdäki ýylda meýilleşdirilen sebitleýin çäreler barada pikir alşyldy.