Angliýanyň “Liwerpul” topary Germaniýanyň “Aýntraht” toparynyň futbolçysy Ugo Ekitikeni satyn aldy. Munuň üçin 95 million ýewro tölendi.
23 ýaşyndaky fransuz futbolçy bilen 2030-njy ýyla çenli şertnama baglaşyldy. Bu iňlis toparynyň taryhynda Florian Wirtsden soňra ikinji gymmat futbolçy boldy.
Bu futbolçy üçin 82.5 million ýewro hem-de 12.5 million ýewro goşmaça hak tölener. Häzirki wagtda bu futbolçynyň bazar bahasy 75 million ýewro deňdir.
Fransuz futbolçy “Reýms” toparynda ýetişdi we 2022-nji ýylda “PSŽ” toparyna geçipdi. Soňra Germaniýanyň “Aýntraht” toparyna geçip, bu ýerde 48 duşuşykda 22 gol geçirdi.
Bu hüjümçi “Liwerpul” toparynda golaýda aradan çykan Diogo Jotanyň ornuny alar.
Ekitike 26-njy iýulda “Milan” topary bilen geçiriljek ýoldaşlyk duşuşygynda oýnap biler.