Germaniýanyň Türgenler Bileleşigi (VDV) möwsümdäki “Bundesligada” iň gowy futbolçy diýen ada ses berişligini jemledi. Bu ses berlişikde “Bawariýanyň” iki futbolçysy ýokary netije görkezdi. Sanawda birinji orny 40,2% göterim bilen “Bawariýa” toparynyň hüjümçisi Robert Lewandowski eýeledi. Ikinji orny “Borussiýa Dortmundyň” oýunçysy Jadon Sanço 13,9% göterim bilen ýerleşdi. “Bawariýanyň” ýarymgoragçysy Joşua Kimmih bolsa 7.2% göterim bilen üçünji orny eýelemegi başardy.
31 ýaşly polşaly hüjümçi karýerasynda dördünji gezek bu kubogy gazandy.
“Bawariýanyň” goragçysy Alfonso Deýwis liganyň iň gowy we ýaş oýunçysy, Hans-Dieter Flik bolsa möwsümiň iň gowy tälimçisi diýlip ykrar edildi.