Ispaniýaly ýarymgoragçy Santi Kazorla, 19-njy iýulda “Willereal” toparynda soñky duşuşygyny geçirdi. Çagalygyndan bäri bu toparda futbol ýoluny dowam etdirýän Kazorla Katar döwletiñ “Al-Sadd” toparynda futbol ýoluny dowam etdirer. Bu barada Katar toparynyñ saýty habar berýär. Ýakyn wagtda 35 ýaşly ispaniýaly ýarymgoragçy doly derejede şertnama gol çeker.
Şeýle hem “Al-Sadd” toparyna “Barselonanyñ” öñki ýyldyzy Hawiniñ tälim berýändigini bellemeli. Santi we Hawi ikisi hem Ispaniýanyñ milli ýygyndysynda bilelikde oýnadylar. Santi Kazorla bu möwsüm “Willereal” toparynyñ düzüminde 35 oýun geçirip, 9 gezek ýardam pasyny we 11 gezek gol geçirmegi başardy.