Halkara futbol federasiýasy (FIFA) Katarda 2022-nji ýylda geçiriljek futbol boýunça dünýä çempionatynyň oýunlarynyň tertibini çap etdi. Senenama guramanyň resmi web sahypasynda ýerleşdirildi.
Dünýä çempionatynyň açylyş duşuşygy 21-nji noýabrda El-Haur şäherinde geçiriler. Bu duşuşykda ýer eýeleri Kataryň milli ýygyndysy oýnar. Topardaky oýunlar 2-nji dekabra çenli dowam eder. 1/8 final duşuşyklary 3-6-njy dekabr, ¼ final duşuşyklary 9-10-njy dekabrda, ½ final duşuşyklary 13-14-nji dekabrda geçiriler.
Üçünji orun üçin duşuşyk 17-nji dekabrda Doha şäherindäki “Halifa” stadionyndan geçiriler. Final duşuşygy 18-nji dekabrda Lusaile şäheriniň adybir stadionynda bolar.
Futbol çempionatynyň petekleriniň satuwynyň birinji tapgyry 2020-nji ýylyň ahyrynda başlanar. Katardaky çempionat ýurduň 7 şäherindäki 8 stadionda geçiriler.