Türkmenistanyň Kärdeşler arkalaşyklarynyň Milli merkezine hem-de Zenanlar birleşiginiň Merkezi geňeşine täze ýolbaşçy bellendi. Mälim bolşy ýaly, bu jemgyýetçilik edaralarynyň ýolbaşçysy Gurbangül Ataýewa Türkmenistanyň bilim ministri wezipesine bellenipdi.
Şonuň netijesinde, Türkmenistanyň Zenanlar birleşiginiň Merkezi geňeşiniň hem-de Türkmenistanyň Kärdeşler arkalaşyklarynyň Milli merkeziniň nobatdaky mejlisleri geçirilip, onda guramaçylyk meselelerine garaldy.
Akjemal Durdyýewa Türkmenistanyň Zenanlar birleşiginiň Merkezi geňeşiniň hem-de Türkmenistanyň Kärdeşler arkalaşyklarynyň Milli merkeziniň başlygy wezipesine hödürlendi we Türkmenistanyň Prezidentiniň Karary bilen tassyklandy.
MILLI LIDERIMIZIŇ GOL ÇEKEN RESMINAMALARY
Türkmenistanyň Prezidentiniň Karary bilen, Gurbangül Kakalyýewna Ataýewany başga işe geçmegi sebäpli, Zenanlar birleşiginiň Merkezi geňeşiniň başlygy wezipesinden boşatmak hakynda Türkmenistanyň Zenanlar birleşiginiň Merkezi geňeşiniň XIII mejlisiniň 2021-nji ýylyň 28-nji awgustynda çykaran XIII-1 belgili karary tassyklanyldy.
* * *
Türkmenistanyň Prezidentiniň Karary bilen, Gurbangül Kakalyýewna Ataýewany başga işe geçmegi sebäpli, Kärdeşler arkalaşyklarynyň Milli merkeziniň başlygy wezipesinden boşatmak hakynda Türkmenistanyň Kärdeşler arkalaşyklarynyň Milli merkeziniň VII mejlisiniň 2021-nji ýylyň 28-nji awgustynda çykaran VII-1 belgili karary tassyklanyldy.
* * *
Türkmenistanyň Prezidentiniň Karary bilen, Akjemal Kerimberdiýewna Durdyýewa başga işe geçmegi sebäpli, Daşoguz welaýatynyň häkiminiň bilim, medeniýet, saglygy goraýyş we sport boýunça orunbasary wezipesinden boşadyldy.
* * *
Türkmenistanyň Prezidentiniň Karary bilen, Akjemal Kerimberdiýewna Durdyýewany Kärdeşler arkalaşyklarynyň Milli merkeziniň başlygy wezipesine saýlamak hakynda Türkmenistanyň Kärdeşler arkalaşyklarynyň Milli merkeziniň VII mejlisiniň 2021-nji ýylyň 28-nji awgustynda çykaran VII-2 belgili karary tassyklanyldy.
* * *
Türkmenistanyň Prezidentiniň Karary bilen, Akjemal Kerimberdiýewna Durdyýewany Zenanlar birleşiginiň Merkezi geňeşiniň başlygy wezipesine saýlamak hakynda Türkmenistanyň Zenanlar birleşiginiň Merkezi geňeşiniň XIII mejlisiniň 2021-nji ýylyň 28-nji awgustynda çykaran XIII-2 belgili karary tassyklanyldy.