Italiýaly derwezeçi Janluiji Donnarumma Angliýanyň «Mançester Siti» klubyna geçmek barada ylalaşyga geldi. Bu barada fransuz gazeti “L’Equipe” habar berýär.
Maglumat çeşmesine görä, italiýaly derwezeçi «Mançester Siti» klubunyň baş tälimçisi Hosep Gwardiola bilen gepleşik geçirip, şertnama baglaşmaga razy boldy. 12-nji awgustda Donnarumma 2021-nji ýyldan bäri çykyş edip gelýän Fransiýanyň «Pari Sen-Žermen» klubundan gidýändigini resmi taýdan yglan etdi.
Donnarumma barada maglumat
26 ýaşly derwezeçi «PSŽ» bilen dört gezek Fransiýanyň çempiony, iki gezek ýurduň kubogynyň eýesi boldy, geçen möwsümde bolsa topary bilen Çempionlar ligasynyň ýeňijisi boldy. Italiýa milli ýygyndysynyň düzüminde 2021-nji ýylda Ýewropanyň çempiony boldy. 2024/25-nji möwsüminde Donnarumma «PSŽ» üçin 47 oýna çykyp, şonuň 17-sinde derwezesinden gol geçirtmedi.