Elbetde, kazyýetlerde dürli ýagdaýlara gabat gelip bolar. Ýöne itiň kazyýetde işläp ýörenine gabat gelipmidiňiz? Muňa käbir fransuzlardan başga hiç kim gabat gelmedi. Ýöne Fransiýadaky Lo kazyýet müdirligi bu aýratynlygy bilen öwnüp biler.
Lol lakamly, labrador tohumly 5 ýaşly it prokuror Frederik Almendrosyň ýakyn dosty. Ol bu ýerde eýýäm birnäçe ýyldan bäri işleýär. Mundan iki ýyl öň bolsa Lol Ýewropada ilkinji bolup, kazyýet işine çynlakaý gatnaşýan it hökmünde ykrar edildi.
Loluň «medeniýetlidigini», «it gylyklaryndan» uzakdadygyny hem aýtmak gerek. Ol nätanyş adamlara, esasan hem çagalara üýrmeýär. Hatda kazyýet işi dowam edýärkä hem ümsümligi saklap bilýär. Aýdyşlaryna görä, Lol henize çenli kazyýet işleriniň 80-sine gatnaşdy.