Hawa, ýalňyş okamadyňyz. Tebigy hadysa ― wulkan satlyga çykaryldy. Başga bir täsinlik bolsa, oňa hyrydarlaryň tapylmagydyr.
Has takygy, Fagradalsfýadl wulkanynyň ýerleşýän ýerinde birnäçe ýeri bolan bu maşgala, ony halk üçin gyzykly ýere öwürmek isleýänlere satmak isleýär. Şu wagta çenli 2 teklip gelip gowuşdy.
Hökümet wulkan sebitini satyn almak islemeýär. Emma wulkan sebiti syýahatçylyk zolagyna öwrülse, 560 million dollardan gowrak pul bilen infrastruktura kömegine sarp ediljekdigi habar berildi. Hut, şonuň üçin hem bu bäsleşikli söwdanyň hyrydarlary gün-günden artýar. Belki, ol taryhda satylan we satyn alnan ilkinji wulkan bolup biler.