ABŞ-nyň “Facebook” kompaniýasy işgärleriniň iş ýerlerine dolanyp gelmegini ýene-de yza süýşürdi. Koronawirusyň “delta” görnüşiniň ýaýramagy bilen kompaniýa 2022-nji ýylyň başlarynda işgärlerini edara çagyrmagy göz öňünde tutýar.
– Koronawirusyň “delta” görnüşiniň ýaýramagy bilen ABŞ-daky işgärlerimiziň iş ýerilene dolanyp gelmegi baradaky görkezmäni 2022-nji ýylyň ýanwar aýynda almagyna garaşylýar – diýip, kompaniýanyň beýannamasynda bellenilip geçilýär.
Soňky döwürde ABŞ-da koronawirusyň “delta” görnüşiniň ýaýramagy bilen baglanyşykly goşmaça öňüni alyş çäreleri girizilip başlandy.
Bütindünýä Saglygy goraýyş guramasynyň maglumatyna görä, koronawirus ýokanjynyň “delta” görnüşiniň 142 ýurtda peýda bolandygy mälim edildi.