ABŞ-da ýerleşýän tehnologiýa kompaniýasy “Apple” ähli “iPhone” modelleri üçin mugt sport programmasyny çykardy. “Apple Sports” atly programma ulanyjylara sport duşuşyklarynyň netijeleri we statistikalary barada yzygiderli maglumat berip durar.
“Apple” kompaniýasynyň habaryna görä, “iOS 17.2” we şondan soňky operatiw ulgamlary üçin döredilen “Apple Sports” porgrammasy sport muşdaklarynyň isleglerini doly kanagatlandyrmaga mümkinçilik berer.
Programmada Angliýanyň, Germaniýanyň, Fransiýanyň, Italiýanyň, Ispaniýanyň we Meksikanyň futbol çempionatlary bilen bir hatarda Amerikanyň futbol çempionaty, Amerikanyň basketbol ligasy we Amerikanyň hokkeý ligasy ýaly futbol we hokkeý çempionatlarynyň duşuşyklarynyň netijelerini öz wagtynda maglumat almaga mümkinçilik berer.
Kompaniýanyň ýolbaşçylaryndan Eddi Kue “Apple Sports” programmasy bilen ulanyjylaryň halaýan toparlary we şol toparlaryň çempionatyndaky iň soňky habarlar bilen habarly bolmagyna ähli şertleriň döredilendigini belledi.