Russiýanyň «Binoloji» kompaniýasy «SmartCity Bin» nyşanly «akylly» zibil sebetleriniň nusgasyny işläp düzdi.
Bu enjam agaç, metal, plastik, aýna we iýmit galyndylaryny awtomatik usulda saýgaryp-saýlap, aýry-aýrylykda ýygnamaga ukyplydyr.
Ol Gün energiýasy arkaly özbaşdak ýagdaýda işleýär. Onuň beýikligi 169 santimetr bolup, ini 73,7 santimetre, agramy bolsa 230 kilograma deňdir.
Bu sebetler web-interfeýs ulgamy bilen üpjün edilip, sebetlerde ýygnalan zibilleriň görnüşleri, onuň doluş derejesi hakyndaky maglumatlar operatorlar tarapyndan doly gözegçilikde saklanylýar.