Dünýäniň iň baý adamy Ilon Mask eýeçiligindäki sosial media platformasy “X| (öňki Twitter) ýakyn wagtda doly tölegli bolup biljekdigini aýtdy. Ilon Mask “awtomatlaşdyrylan” hasaplara garşy göreşmegiň ýeke-täk ýolunyň “X” üçin töleg ulgamyny ösdürmekdigini öňe sürdi.
– Ulgamy ulanmak üçin her aýda az mukdarda töleg tölemäge göz öňünde tutarys” – diýip, Mask belläp geçdi.
“X”-niň eýesi bu barada ABŞ-nyň Kaliforniýa ştatynda Ysraýylyň Premýer-ministri Binýamin Netanýahu bilen duşuşygynda belläp geçdi we Ysraýyly tehnologiýa pudagynda öňdebaryjy orny üçin öwgi sözlerini beýan etdi.
“Tesla” we “Space X” kompaniýalaryna hem eýeçilik edýän Mask geçen ýyl “Twitter”-i 44 milliard dollara satyn alypdy, emma platformanyň adyny “X” diýip üýtgedipdi.