Bütindünýä saglygy goraýyş guramasynyň mälim edişi ýaly, Hytaý hökümeti 11-nji ýanwar güni halkara bilermenleriň ýurda girmegine rugsat berdi. Alymlar 14-nji ýanwarda Hytaýa gelerler we iki hepdelik karantinden soňra öz işlerine girişerler.
Aslynda, BSGG bilen Hytaýyň arasynda bu mesele birnäçe aýdan bäri çözgüdine gowuşman gelýärdi. 5-nji ýanwar güni BSGG halkara bilermenleriň koronowirusyň gelip çykyşyny öwrenmek üçin Hytaýda saparda bolmakçydygyny resmi ýagdaýda bildirdi. Hytaý bolsa taýýarlyk işlerini geçirmek üçin bu sapary biraz gijikdirdi.
Täze koronowirusyň ilkinji gezek 2019-njy ýylyň dekabr aýynda Hytaýyň Uhan şäherinde bellige alnandygyny ýatladýarys. Häzir Ýer ýüzünde bu keseliň infeksiýasyna uçranlaryň sany 91 million adamdan geçdi.
Global pandemiýa şertleri tamamlanandan soňra haýsy ýurda syýahata gitsem diýýänler we syýahat etmegi söýýänleriň sahypasy
