2024-nji ýylda himiýa boýunça Nobel baýragyna alymlar Dewid Beýker, Demis Hassabis we Jon Jamper mynasyp boldy. Olar beloklaryň gurluşyny öwrenmek boýunça gazanan üstünlikleri esasynda bu abraýly baýragyň eýeleri boldular.
Amerikaly himik Dewid Beýkere belokleruň täze görnüşlerini döretmek başartdy. Britan alymlary Demis Hassabis we Jon Jamper bolsa, beloklaryň çylşyrymly gurluşlaryny öwrenmekde emeli aň usulyny işläp düzdüler.
Beloklar, Ýerdäki ýaşaýşyň esasyny emele getirýän ähli himiki reaksiýalary dolandyrýar we herekete getirýär. Beloklar gormonlar, signal berýän maddalar we dürli dokumalaryň gurluş bölekleri hökmünde hem hereket edýär.
Mälim bolşy ýaly, häzirki wagtda Nobel hepdeligi dowam edýär. Ilkinji bolup, lukmançylyk we fiziologiýa ugry boýunça Nobel baýragynyň ýeňijileri mälim edildi. Soňra düýn fizika boýunça Nobel baýragynyň eýeleri belli boldy.