Fransiýanyň raýaty Andre Breje 83 ýaşynda. Ol 17 ýaşyndan bäri syýahat edýär. Şol wagt Andrenyň syýahat etmäge pul bolmandyr, emma dünýäni görmek we täze adamlar bilen tanyşmak islegi bolýar. Şol wagtdan soň ol günde 1 dollardan köp pul sarp etmezlik kararyna gelýär.
Şeýlelikde,ol dünýäniň 251 ýurduna baryp, umumy hasapda 400 müň kilometr aralygy geçýär. Ol bu barada: «Syýahatlarda meni näme gyzyklandyrdy? Adamlaryň ýüregi. Syýahatymyň dowamynda men dürli döwletleriň adamlaryna köp sowallary berdim. Men dünýäni olaryň gözleri bilen görmek isledim we muny başardym» diýip, özünde galan täsirlerini paýlaşdy.
Onuň ilkinji syýahaty 1955-nji ýylda Şotlandiýadan başlapdyr. Andre elmydama awtostop arkaly syýahat edipdir. Hiç haçan uçarda uçmandyr, restoranlarda naharlanmandyr, hatda käte gijäni köçede geçirmeli boldypdyr.