Bilşimiz ýaly, dünýäde dowam edýän koronawirus pandemiýasy döwründe adaty uçar gatnawlarynyň ornuny halkara ýörite uçar gatnawlary aldy.
Türkmenistanyň “Türkmenistan” awiakompaniýasy bilen bir hatarda Türkiýäniň “Türkhowaýollary” kompaniýasy hem-de Russiýanyň “S7” awiakompaniýasy halkara derejesinde ýörite uçar gatnawlaryny amala aşyrýar.
Pandemiýa sebäpli 2020-nji ýylyň martynda wagtlaýyn togtadylan uçar gatnawlaryndan soňra häzirki wagta çenli Russiýanyň “S7” awiakompaniýasy Türkmenistandan Russiýa 28-nji ýörite uçar gatnawy ýerine ýetirildi.
Türkiýäniň “Türkhowaýollary” kompaniýasy hem şu döwürde 20-den gowrak ýörite uçar gatnawyny amala aşyrdy.
Täze gelip gowşan habarlara görä, Russiýanyň “S7” awiakompaniýasy, ertir, ýagny 9-njy dekabrda Türkmenabat-Moskwa ugry boýunça 29-njy ýörite gatnawyny amala aşyrar.
“Türkhowaýollary” kompaniýasy hem öňümizdäki günlerde 2 sany ýörite uçar gatnawyny meýilleşdirýär. Olaryň biri – ýagny, ertir 9-njy dekabrda Stambul-Aşgabat-Stambul ugry boýunça, ýene-de biri bolsa – 12-nji dekabrda Stambul-Türkmenbaşy-Stambul ugry boýunça ýerine ýetiriler.