Lozannadaky Olimpiýa öýünde Halkara Olimpiýa Komitetiniň (HOK) başlygynyň ygtyýarlyklarynyň geçirilmegi dabarasy boldy. 2013-nji ýyldan bäri HOK-a ýolbaşçylyk eden Tomaы Bah bu wezipäni Zimbabweden bolan iki gezek Olimpiýa çempiony Kirsti Kowenträ tabşyrdy.
Kowentri HOK-nyň 10-njy prezidenti bolup, bu wezipä bellenen ilkinji zenan we Afrika yklymyndan bolan ilkinji wekili hökmünde taryha girdi. Ol şu ýylyň mart aýynda Gresiýanyň Olimpiýa şäherçesinde geçirilen HOK-nyň 144-nji sessiýasynda sekiz ýyllyk möhlet bilen saýlanyldy.
Dabaranyň dowamynda Bah Kowenträ Olimpiýa öýüniň açaryny dabaraly ýagdaýda gowşurdy. Bu açar, 1992-nji ýylda ispan dizaýneri Andre Rikar tarapyndan döredildi.
Dabara Halkara Olimpiýa komitetiniň agzalary, türgenler, jemgyýetçilik wekilleri we halkara hyzmatdaşlaryndan 700-den gowrak myhman gatnaşdy.