JEMGYÝET

Gyrgyzystanyň Prezidenti Türkmenistanda iş saparynda bolar

Gyrgyz Respublikasynyň Prezidenti Sadyr Žaparow Türkmenistanyň Prezidenti Serdar Berdimuhamedowyň çakylygy boýunça 11-nji oktýabrda Aşgabatda iş saparynda bolar.

Gyrgyzystanyň Prezidenti Sadyr Žaparow Aşgabatdaky saparynyň çäklerinde Magtymguly Pyragynyň doglan gününiň 300 ýyllygyna bagyşlanan “Döwürleriň we siwilizasiýalaryň özara arabaglanyşygy — parahatçylygyň we ösüşiň binýady” atly halkara foruma gatnaşar. Bu barada Gyrzgystanyň Prezidentiniň Diwanynyň daşary syýasat bölüminiň başlygy Muratbek Azymbakiýew habar berdi.

– Aşgabatdaky halkara foruma Merkezi Aziýanyň we beýleki döwletleriň Prezidentleri gatanaşar. Öňde boljak forum türkmen şahyry we akyldary Magtymguly Pyragynyň doglan gününiň 300 ýyllygyna bagyşlanyp, döwletleriň arasyndaky medeni-ynsanperwer hyzmatdaşlygy pugtalandyrmaga gönükdirilendir – diýip, Muratbek Azymbakiýew belledi.

Paýtagtymyz Aşgabatda geçiriljek halkara foruma Russiýanyň, Mongoliýanyň, Gyrgyzystanyň, Ermenistanyň Prezidentleriniň, Türkiýäniň Mejlisiniň Başlygynyň we beýleki döwletleriň ýokary derejeli wekiliýetleriniň gatnaşmagyna garaşylýar.

Ýene-de okaň

Türkmenistanyň Prezidenti “Merkezi Aziýa-Hytaý” sammiti üçin Astana bardy

Astanada “Merkezi Aziýa-Hytaý” görnüşindäki II sammit geçiriler

Türkmenistanyň Mejlisinde Sloweniýanyň ilçisi ynanç hatyny gowşurdy

Türkmenistan Eýrandan gelýän daşary ýurt raýatlaryna ynsanperwerlik kömegini berýär

Türkmenistanyň daşary işler ministri Eýranyň ilçisi bilen duşuşdy

Türkmenistanyň daşary işler ministri rus ilçisi bilen duşuşdy