Iki müň on dokuzyň dördünji marty,
Taryhy kararyň namasyn ýazdy,
Ýazyldy äleme eýýamyň bagty,
Asyrlaryň bagty, heňňamyň bagty,
Gutly bolsun, täze şäher — Arkadag!
Halk oglundan ak pataly şäher sen,
Täze merkez, täze merjen, bahar sen,
“Akylly” sen, asylly sen, pähim sen,
Dünýe içre mähribanlyk, mähir sen,
Gutly bolsun, täze şäher — Arkadag!
Täze döwrüň sen döwrebap merkezi,
“Akylly öý” asyrlaryň merjeni,
Binalaryň göwünleriň “mermeri”,
Belent adyň — köňülleriň Gerçegi,
Gutly bolsun, täze şäher — Arkadag!
At gazanan arhitektor — halypa,
Parasady, pähimleri — hazyna,
Täze ojak, täze dünýä — hakyda,
Täze dessan — “Diňe bagt hakynda”,
Gutly bolsun, täze şäher — Arkadag!
Çar tarapa toý çapary ýollanýar,
Bu Watanda ak alkyşlar oňlanýar,
Aýdym-sazlar Arş deňinde ýaňlanýar,
Täze ýurtda Oguz toýy toýlanýar,
Gutly bolsun, täze şäher — Arkadag!
Şan getirdi Lider şahsyýetlere,
Watany janyna deňän mertlere,
Gaýrat üçin doglan är ýigitlere,
Ýaz eçildi peder ak niýetlere,
Gutly bolsun. täze şäher — Arkadag!
Aba Anna seýisleriň seresi,
Belent ady akademiýaň eýesi,
Ahalteke bedewleriň söýesi,
Ak aýlawlar baglan Ahal deresi,
Gutly bolsun, täze şäher — Arkadag!
Ussat mugallym hem ilhalar ynsan,
Guwanýar adyňa zemin hem asman,
Edermen, eserdeň merde şöhrat-şan,
Peder ýoly bu gün dowamat-dowam,
Gutly bolsun, täze şäher — Arkadag!
Arkadagyň pederleri şanyňda,
Azadynyň dilegleri adyňda,
Waspyň dessan Göroglynyň tarynda,
Saçly Dursun ýürekleriň töründe,
Gutly bolsun, täze şäher — Arkadag!
Şükür bagşysyndan, Sahy Jepbara,
Alkyşlar aýdylýar gazma dutara,
Aman Gulmämmediň sungaty şana,
Şöhratlar, ussatlar Türkmenistanda,
Gutly bolsun, täze şäher — Arkadag!
Milletiň Lideri — bagtyň Lideri,
Arkadagly Serdar — halkyň Lideri,
Oguz hanyň nesli — dünýäň pederi,
Atalaryň arzuw eýläp ýeteni,
Gutly bolsun, täze şäher — Arkadag!
Bir suprada taýýar bu gün aşymyz,
Köşgi-eýwan, läle-reýhan daşymyz,
Ganat gerýär bu gün döwlet guşumyz,
Ak ýollarda aman bolsun başyňyz!
Gutly bolsun, täze şäher — Arkadag!
Gutly bolsun, täsin şäher — Arkadag!
Aýjemal Gaýlyýewa,
Balkanabat şäherindäki daşary ýurt dillerini çuňlaşdyryp
öwredýän ýöriteleşdirilen 2-nji orta mekdebiň mugallymy.